Мустай Каримым шарналтышна

Эртыше арнян Пошкырт кундем Мустай Каримын 100 ияш лӱмгечыжым кумдан пайремлыш. Ме тудым уста башкир калык поэт, писатель, прозаик, драматург семын аклена.

Ӱдыр-рвезе-влак Мустай Каримын почеламутшым сылнын йоҥгалтарышт.

Мустафа Сафич Каримов 1919 ий 20 октябрьыште Чишма районысо Кляшево ялеш шочын. Кудымшо классыште тунеммыж годымак почеламут-влакым возаш тӱҥалын. Шочмо Эл, кинде, еҥ-влакын койышышт, йӧратымаш нерген, шкенжын йоча годсо да шуаралтме пагытшым шарнен, Мустай Карим уло кумылын возен.

Меат книгагудыш Мустай Каримым поро мут дене шарналташ погынышна, вет тудо изиеҥланат, кугыеҥланат келыштарен возен.

Библиотекарь поэтын илыш-корныжым кӱчыкын шергале, книгаже-влак дене палдарыш. Йоча-влак Мустай Каримын «Радость нашего дома» произведенийже гыч сценкым модын ончыктышт, почеламут-влакым лудыч. Мустай Каримын шке ойлымо йӱкшымат колаш пеш оҥай лие.

Мучашлан «Мый - россиянин» почеламутым марла йоҥгалтарышна. Ӱдыр-рвезе-влак черет дене кугешнен лудыч:

«Руш омыл мый, но россиянин. Ынде мый эрыкан, виян, лӱдде ойлем: Ужар мый тумо семын кӱшнӧ кушкым, Россий эҥер вӱдлам йӱын илен…»

Чыладамат ӱжам - лудса Мустай Каримын возымыжым.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».