+13 °С
Пылан
Все новости
Саман увер
26 Сентябрьыште 2019, 18:46
Вич ийыште могай вашталтышым вучыман?
Башкортостан Республика Вуйлык Радий Хабиров лишыл вич ий жапыште шуктышаш паша радамжым увертарен. Нуным «Сентябрьысе указ» манын лӱмдымӧ. Ыштышаш сомылым документыште икмыняр корнылан шеледен рашемдыме.
Экономика
- Эн шагалже, кок экономический зоным ышташ. Нуно казнаш 50 миллиард утла оксам кондышаш улыт. Кажне районышто, олаште индустриальный, агропромышленный да технопарк-влакым почаш.
- Чодырам руымо верлаште уэш чодырам шындаш.
- 500 изи предприятийым да ИП-м, молочно-товарный ферма-влакым почаш.
- Ял озанлык сатум аралыме 10 оптово-распределительный рӱдерым ышташ.
- Чыла инфраструктур улман кугу жилой комплекс-влакым чоҥаш.
- «Ондалалтше дольщик-влак» дене кылдалтше экшыкым кораҥдаш.
- Кум тӱжем шуко пачеран пӧртым, 15 тӱжем подъездым ачалаш. Ий еда ныл тӱжем кудывечым тӱзаташ.
Транспорт да инфраструктура
- Агидельыште грузовой речной портым, тыгак «Уфа-Агидель» кӱртньыгорным чоҥаш.
- Республикысе чыла населенный пунктым общественный транспорт дене «ушаш».
- Населенный пунктлашке, илыме пӧртлашке газым пурташ.
- Автомобильым газ дене темыме станций-влакым кок пачаш ешараш.
- «Химпромлан» санацийым ышташ.
- Шӱкшакым ойыркалыме комплексым да полигон-влакым чоҥаш.
Демографий
Колымаш шагалемшаш. Икшыве шукырак шочшаш. Илышын кӱкшытшым нӧлталаш: республика гыч кайыме олмеш калык мӧҥгеш тышке толшаш!
2024-ше ий марте кундемыште 4 миллион 100 тӱжем еҥ илышаш!
Медицина
- Врач-влак ситыдыме ситуацийым кораҥдаш.
- Селалаште 20 ФАП-ым чоҥаш, 147 модульный да 54 куснен коштшо ФАП-ым налаш.
- Вашкеполыш паркым уэмдаш.
- Икшывым шочыктымо пӧрт да поликлиника-влакым у, кызытсе жапын йодмашыжлан вашештыше оборудований дене йӧнештараш.
- Республикысе кардиодиспансерым, Йоча онкологий да гематологий рӱдерым, кугыеҥ да йочалан хосписым чоҥаш.
Образований
Вич ийыште 60 тӱжем веран 60 школым да 50 йочасадым ачалаш, чоҥаш. Чыла тунемше ик сменыште тунемшаш.
- 12 полилингвальный школым почаш. Тушто йоча-влак йот да шочмо йылме дене лывыргын мутланен моштышаш улыт.
- Вуз-влак кокласестудент кампусым чоҥаш.
- Вуз-влак негызеш тӱнямбал кӱкшытан наука да образований рӱдерым ышташ. Тушто двойной программа дене (тӱнямбал программа денат) тунемаш йӧн лийшаш.
- Уста, талантан йоча-влакым шуараш образовательный рӱдерым почаш.
- Кажне олаште да районышто йоча технопарк ден кванториумым ышташ.
Социальный политика да тӱвыра
- Селалаште 40 многофункциональный тӱвыра пӧртым чоҥаш. Нуно шинчымашым кумдаҥдыме да ешын жапым пайдалын эртарыме рӱдерже семын лийшаш улыт. Уфаште Музык полатым, 10 йоча искусство школым чоҥаш. Самырык талант-влаклан шкем шуараш чыла йӧным ышташ.
- «Древняя Уфа» археологий паркым да «Атайсал - кугезе тукымын мландыже» кава йымалсе архитектур да этнографий тоштерым, республика деч ӧрдыжтӧ верланыше шым у историй да тӱвыра рӱдерым почаш.
- «Торатау» геопаркым ышташ. Тудым ЮНЕСКО-со геопаркыш пурташ.
- Ветеран-влак дене пашам ыштыме республикысе рӱдерым да кечывалым жапым пайдалын эртарыме 30 рӱдерым почаш. Тушто пенсионер-влаклан социальный туризм дене заниматлаш, кумшо ийготан университетлаште тунемаш йӧным ышташ.
- Ойыртемалтше кугыеҥ, йоча да вуеш шудымо икшыве-влаклан республикысе реабилитаций рӱдерым чоҥаш.
- Башкортостанысе шочмо йылме-влакым арален кодаш да нуным тунемаш йӧным ышташ.
Спорт
- Волейбол, гимнастика, спорт кучедалмаш рӱдер-влакым, авырыме футбол стадионым чоҥаш.
- Чыла муниципалитетыште ийме бассейным чоҥаш.
- Олимпийский резерв училищым почаш.
- Селалаште йоча-влаклан спорт дене кумдан заниматлаш «Селасе тренер» проектым илышыш шыҥдараш.
Читайте нас:
© 2024 «Чолман». Республиканская общественно-политическая газета на марийском языке. Издается с 24 апреля 1991 г.
Главный редактор - Губаев Игорь Иванович.
При использовании материалов гиперссылка на сайт cholman.info обязательна.
Категория информационной продукции 12+
Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.
Мы в соцсетях:
ВКонтакте - vk.com/cholman
Telegram - https://t.me/cholmantv
Я.Дзен - https://dzen.ru/cholman
ОК - ok.ru/cholmanrb
TikTok - tiktok.com/@cholman.tv
Телефон
Телефон: 8(34783)7-07-97.
Электрон почто
Адрес
Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж.
Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».