Йочасадыште икшыве-влак дене пашам ышташ веле огыл, ачалыме сомылымат веселан да рӱж шукташ лиеш улмаш. «Ромашка» йочасадна, вигак огыл гынат, кечын уэмеш, тӱзлана. Пӧлемлаште пырдыжым чиялтыме, мебельым эрыктыме, кудывечыште модмо верым тӱзатыме сомылым ворандараш воспитатель, туныктышо-влаклан завхоз, дворник, плотник, орол да молат полышкалат. Ава-ача-влакат ӧрдыжеш ышт код - кертмышт семын ачалкалаш толын коштыч. Шонымо пашанам рӱж шуктымылан кӧра йочасад эшеат сылнеште. Тӱшка пашан вес пайдажат палдырна: тыгай сомыллан кӧра воспитатель, ава-ача ден икшыве коклаште вашкыл пеҥгыдемеш, икте-весым лишемда.