Июль гыч общественный транспортышто кошташ кучылтмо у карт лиеш

Единый транспорт карт - тиде электрон билет-кошелек. Тудын полшымыж дене эн ондак автобуслаште веле, шыже гыч республикысе чыла ола ден районласе кугыжаныш да частный общественный транспортышто кошташ йӧн лиеш. Междугородний рейс-влак тиде тӱшкаш огыт пуро. Транспортын салоныштыжо корнылан тӱлаш терминал-влакым шогалтат. Тӱлыде кайыше-влакым контролер-влак текшырат.

Тыгай карте дене пайдаланыме годым корнылан тӱлымӧ ак шулдырак лиеш, но молгунамсе семынак наличный окса але банкысе карт денат тӱлаш лиеш. Единый транспорт картым почто пӧлкалаште, «Уфапечать» киосклаште, сетевой кевытлаште, Сбербанк ден «Уралсиб» банкыштат налаш лиеш. Оксажым ЕТК-ш лӱмын йӧнештарыме пунктлаште але Сбербанк-онлайн, «Уралсибын» интернет-банкше гоч пышташ лиеш. Льготник-влаклан закон палемдыме льгото-влак аралалтыт.