Ӱдырамаш мыняр жап пашам ыштышаш?

Пытартыш жапыште Интернет тӱняште яллаште, селалаште пашам ыштыше ӱдырамаш-влаклан паша кечым кужемден кертме нерген увер шарлыш. Кызыт нуно арнялан 36 шагат пашам ыштат гын, паша жапым ныл шагатлан кужемдымеке, моло ӱдырамаш семынак арнялан нылле шагат тыршаш тӱҥалыт. Пашадар тидын годым, конешне, тугаяк кодеш. Ялысе ӱдырамаш-влак, ончычсо дене таҥастарымаште, суртозанлык пашалан жапым кугунак огыт ойыро, садлан нунынат паша кечыштым моло дене иктӧр кодыман, палемда Россий Паша министерство. Лудшына-влак тидын нерген момшонат?

Г. МАТВЕЕВ, Тошто Яш ялсовет вуйлык. Калтаса район:

«Ӱдырамаш - моткоч ныжыл созданий. Нуно тӱням, мемнан илышнам сӧрастараш шочыныт. Мыйын шонымаште, нунын илышыштым чыла шотыштат куштылемдаш тыршыман. Но нигузе мӧҥгешла огыл. Кугыжаныш кучем велымат эре могай-гынат, рушла каласымаште, льгото, уступко лийман. Мый паша кечыштым кужемдымылан тореш улам. Тидын годым эше пашадарыштымат огыт ешаре. Ӱдырамашын жапше утларакшым суртышто, ешыште эртышаш. Сулен налме канышыш пӧръеҥ-влак 65 ияш, а ӱдырамаш-влак 60 ияш каят. Тыштат тугак лийшаш: тек пӧръеҥ-влак 40 шагат ыштат, ӱдырамаш-влак - 36 шагат».

С. БАЙДУГАНОВА, озавате. Пураял, Краснокам район:

«Ялыште илыше еҥын тыглаят яра жапше уке. Ӱдырамашым ынде айдемыланат огыт шотло, ужат? Вуйлатышына-влак ӱдырамаш-влак ялыште мален кият манын шонат мо? Илышыже кушко кая? А пашажым кушто пуат? Теве мемнан ялыште икмыняр ӱдырамаш вахта йӧн дене я Москваш, я Йӱдвелыш пашаш коштеш. Южыжо, ялыште паша укелан кӧра, воктенсе олаште ужалышылан пашам ышта».

К. ЗАЙНАКАЕВА, Йывангасола ялсовет вуйлатыше. Краснокам район:

«Ялыште ӱдырамаш-влак нигунам арнялан кумло куд шагат пашам ыштен огытыл. Нунын коклаште бюджет учрежденийыште тыршыше техработник-влак арнялан нылле шагат, тӱвыра пашаеҥ-влак нылле шагат, ял озанлык предприятий пашаеҥ-влак нылле шагат, муниципальный служащий-влак нылле шагат пашам ыштат. Садлан законым вашталтат гын, тиде мыланна нимогай вашталтышым ок ыште».

Э. ИСКИБАЕВ, туныктышо. Ӱлыл Качмаш ял, Калтаса район.

«Финляндийыште калык арняш 32 шагат, Америкыште 40 шагат пашам ышта. Араб-влак пашам йӧршын огыт ыште. Пачерым тугок налыт. Российыште ӱдырамаш-влаклан паша кечым кужемдыме закон ваштареш улам. Ме кызыт информатизаций да роботизаций курымышто илена! Ялыште ожно, мутлан, 236 вуй ушкал лийын гын, кызыт 20 вуеш веле кодын. Олык чыла вере яра шога. Шудым огыт соло. Кӧ кушто кертеш, тушто пашам ышта. Ӱдырамаш-влак, машинам шке виктарен, пашаш кудалыштыт. Могай кужемдымаш? Мӧҥгешла, паша кечым кӱчыкемдаш кӱлеш».

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».