МЕДИЦИНЫМ ВИЯҤДАШЛАН

«Здравоохранений» национальный проект почеш Башкортостанлан федерал бюджет гыч лишыл куд ийлан 16,5 миллиард теҥгем ойыраш палемдыме.

Башкортостанлан тиде сомыллан 170,6 миллиард теҥгем ойыреныт. Чылаже 12 направленийым авалтыме.

Шушаш куд ийлан палемдыме почеш, калыкын пашадаржым, здравоохранений, образований, тӱвыра, спорт илышым саемдаш Россий кугыжаныш 28 триллион теҥге оксам ойыра. Россий Президент Владимир Путин калык сай вашталтышым кагаз лаштыкыште огыл, а илыме верлаште - яллаште, олалаште - шке шинчаж дене ужшаш да шижшаш нерген ойлен. «Россий Президентын 2024 ий марте илышыш шыҥдарышаш национальный проектше-влак эллан, республикылан ончыко ошкылым ышташ полшышаш улыт», - каласен республика Вуйлыкын пашажым шуктышо Радий Хабиров.

4,9 миллиард теҥгежым тений пуат. Шийвундым шӱм да онкологий чер ваштареш кучедалаш, у йоча поликлиникым, ФАП-ым чоҥаш кучылыт. Тушеч 62 миллион теҥгежым «Земский доктор» программым илышыш шыҥдарашлан ойырынешт. БР Здравоохранений министерствын данныйже почеш, кызыт республикысе больницылаште 386 специалист ок сите.

2030 ий марте еҥ-влак кокла шотышто 80 ийым илышаш улыт - кугыжаныш шке ончылныжо тыгай задачым шынден. Тидлан кӧра яллаште, селалаште ФАП ден больнице-влакым ачалыме сомыл ончык лектеш. Республикыште 2064 ФАП капитальный ачалымашым йодеш. Проблемым кораҥдаш аварийный режим дене пашам ыштыше ФАП олмеш кундемыште ий еда 20 наре у медпунктым чоҥыман. Радий Хабиров селалаште медицина пашаеҥ-влакым ситарыме шотышто (Илыш ончыктен: «Земский доктор» программа веле йодышым решатлаш ок полшо.) вес корным кычалаш, тыгак шушаш ийыште республика бюджет гыч тиде йодышлан ешартыш 50 миллион теҥге оксам ойыраш шӱден.

Фото: health.bashkortostan.ru

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».