Корнышто тӱткӧ лийза!

Рульым виктарыше шофер-влак корнылаште коштмо правилым палат, туге гынат кечын гаяк лийше аварий шагал огыл айдеме илышым наҥгая. Шочмо суртыш лишыл еҥ-влак деке таза-эсен пӧртылаш манын, вич тӱҥ правилым шарныман.

1. Корныласе правилым эскераш, шукташ. Машина дене каяш лийме эн кугу скорость - 90 км/час. Чыла маневрым эркын, вашкыде шуктыман.

2. Кочывӱдым подылмеке, машинам виктарыме ок кӱл. Подылында манын, нигӧ ок ӱчаше. Но корнышто трук туткар лийын кая гын, титакше тендак ӱмбак возеш.

3. Кужу корныш тарваныме деч ончыч сайын каналтыман.

4. Шке машинан тӱз улмыжым тӱткын эскерыман - техосмотрым жапыштыже эртыман, транспортым автосервисыш наҥгайыман. Изирак экшыкым, машинан пудыргымыжым вучыде, вигак кораҥдыман, ачалыман. Тормозын тӱз улмыжым эре эскерыман.

5. Телымсе-шошымсо игече чӱчкыдын вашталтеш. Уда игечыште сай оза пийжымат уремыш ок лук. А кужу корныш лекташ - ойлыманат огыл, лучо лекташ огыл.

Кушто Башкирийыште эн лӱдыкшӧ корно-влак? Кугурак аварий-влак чӱчкыдын Уфа-Оренбург да М5 Урал «Самара - Уфа - Челябинск» трассылаште лиедат. Пытартыш жапыште лӱдыкшӧ аварий-влак Сибай, Октябрьский, Мишкан, Караидель, Федоровский, Белокатай, Мелеуз да Илиш районлаште лийыныт.

Шарныман: экстренный службыш йыҥгыртыме номер - 112.

Тений у законым пеҥгыдемдыме. Тудын дене келшышын, корныласе правилым пудыртымылан тӱлымӧ чыла штрафым (а тиде ик ийлан 1,6 миллиард теҥге) республикын Корно фондышкыжо чумыраш тӱҥалыт. Оксам корно-влакым ачалаш да чоҥаш кучылтыт. Тений фондын кугытшо, федерал субсидийым шотыш налде, 17,2 миллиард теҥгеш шуэш.

Республикысе пресс-службын увертарымыж почеш, 2018-ше ийыште кундемыште 4383 ДТП лийын (пытартыш кечылаште 12 наре!), 5494 еҥ эмганен, 549 еҥ колен. Элысе чумыр ситуацийым налаш гын, ий еда корнылаште тунар еҥ илыш дене чеверласа, мыняре Чечня ден Афган сарыште пырля налмаште колен.

Эртыше идалыкыште кундемыште машинам йӱшывуя виктарымылан кӧра республикысе корнылаште 103 еҥ колен да 509 еҥ эмганен.

2018-ше ийыште водитель-влакын титакыштлан кӧра 21 икшыве илыш дене чеверласен, тушеч 470-же эмганен.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».