Москолан электробусым Нефтекамскыште луктыт

Август тӱҥалтыште Нефтекамск автозаводыш «КАМАЗ» ПАО-н генеральный директоржо Сергей Когогин дене пырля Москва гыч ола мэрын алмаштышыже, Транспорт да корно-транспорт инфраструктурым вияҥдыме департамент вуйлык Максим Ликсутовын вуйлатыме делегаций толын.

Вашлиймашын тӱҥ амалже - «Мосгортранслан» электробусым лукмо договорым илышыш шыҥдарыме йодышлам каҥашымаш. Тений май тылзыште эртарыме тендер почеш Набережные Челны оласе «КАМАЗ» ПАО рӱдолан автопаркшылан КАМАЗ-6282 100 электробусым да зарядкым писын пуышо 31 станцийым погышаш, 15 ий коклаште техникым обслуживатлыме сомылымат шкеак шуктышаш. А икымше 15 электробусым график почеш август мучаш марте колтышаш. Нуным «КАМАЗ» ПАО-н Башкортостанысе дочерний предприятийыштыже - «НЕФАЗ» ПАО-што - луктыт.

Нефтекамск автозаводышто уна-влаклан автобусым да электробусым лукмо цех-влакыш экскурсийым эртареныт, КАМАЗ-6282 электробусыш шинчын каен ончашат йӧным ыштеныт.

Компанийын генеральный директоржо С. Когогинын мутшо почеш, предприятий идалык коклаште 200 электробусым, кӱлеш гын, шукыракат пога. Кундемысе игечым, инфраструктурым шотыш налын, элысе ола-влаклан нунылан келшыше тӱрлӧ техникым темлен кертеш.

«КАМАЗ» ПАО-н пресс-службыжын уверже негызеш ямдылыме.

Снимкыште: Вашлиймаш годым.

«НЕФАЗ» ПАО-н официальный сайтше гыч налме фото.

Читайте нас:

Новости партнеров

Был стипендия кемдәргә түләнә?

На уровне молекул

Азык-төлеккә талон системасы кертелергә мөмкин

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».