Йочасад конкурсыш ушнынеже

Башкортостан Республикыште Тӱнямбал банкын полшымыж дене 2014-ше ий гыч верысе инициативым поддержатлыме программым илышыш шыҥдараш тӱҥалме. Тудо 2030 ий марте Башкортостаным вияҥдыме стратегийын тӱҥ задачыжлан шотлалтеш да республикысе бюджет гыч ойырымо субсидий кӱшеш общественный инфраструктурым вияҥдаш да тӱзаташ виктаралтын.

Тиде программа почеш Нефтекамск олаштат 2015 ий годсек чоҥымо, учреждений, корно-влакым ачалыме, йыр вер-шӧрым тӱзатыме сомылым шуктен шогат.

Проект-влакым ойырен налмашке да илышыш шыҥдарымашке верысе калыкат чулымын ушна. 2017 ий декабрьыште 9-ше микрорайонышто илыше-влак чумыр погынымашыште Программыш ушнаш пунчалым луктыныт да 36-шо йочасадын малыме пӧлемлаштыже пу гыч ыштыме тоштемше окна янак ден рамылам ПВХ гыч ыштымылан алмашташ темленыт. Тиде икшыве-влакын илышыштым да тазалыкыштым аралаш полшышаш.

Ленин уремысе 52 Б пӧртыштӧ илыше-влакын ойышт дене микрорайонышто илыше шуко еҥ келшен. Нунын дене пырля ача-ава-влак да ты йочасадыш коштшо икшывыштат конкурсышто сеҥенак манын ӱшанат.

В. КУНАКБАЕВА, 36-шо йочасадын воспитательже.