«Бирск олма» пайрем эртен

2 сентябрьыште Бирскыште Олан кечыжым «Бирск олма» республикысе фестиваль семын пайремленыт. Тиде кечын тушто Башкортостанысе садоводческий предприятий, фермер озанлык-влак «Тамле ола» ярмиҥгаште нӧргӧ олмапум, ял озанлык сатум ужаленыт, кулинар-влак олма гыч кӱэштме конкурсышто мастарлыкыштым ончыктеныт. Пайремым эртарыме верлаште «Шелковый путь» куымо рӱдер, районысо кидмастар-влакын экспозицийышт, тыгак «Умникум» образовательный рӱдерын усталык да технический площадкыже-влак, БашГУ-н Бирск филиалжын «Бирские стрельцы» военно-исторический реконструкций клубшо пашам ыштеныт. Оҥай пайремым спорт таҥасымаш-влак сӧрастареныт. Бирск олан кубокшылан баскетбол дене VI виш таҥасымашыште Бирск, Благовещенск олалан, Языково селан командышт вийыштым тергеныт. Бирск ден Благовещенск олалан командышт футбол дене модыныт, тыгак мотокросс эртен.

Л. ГРИГОРЬЕВА.

Снимкыште: "Эн сай" ансамбль Бирск олан кечыж годым.