Йоча-влак спектакльыш мийышт

Меат, Рушарня марий школын туныктышыжо да тунемшыже-влак, 5 декабрьыште верысе «Нур» театрыш С. Беловын пьесыж почеш шындыме «Кот Шафран и Кошка Копошка» йомакым ончаш мийышна. Тушто тунемше-влак Марий Эл нерген ятыр уым пален нальыч, марий калык кушеч лекме нерген изирак видеороликым ончышт. Йомак руш йылме дене ыле гынат, тушто ятыр марла мутым кучылтмо. Тидыже йоча-влаклан пеш келшыш. Йомакыште янлык кокласе келшымашым ончыктымо. Мучаште герой-влак осал тулым сеҥат да пырля кодыт. Шкетан лӱмеш театр Уфа оласе калыкым кум кече куандарыш - эрдене йоча-влаклан йомакым, а кастене кугурак-влаклан пеш сай репертуарым ончыктышт.