Шопкер сценыште - Ӱткӱстӧ-влак

Эн ончыч нуно М. Шкетанын «Кок сӱанат пеле» пьесыжым модын ончыктышт. Регистраторын рольжым уста да тыматле воин-афганец, 52 ияш Г. Шамсутдинов модо. Торешпашкаровмыт еш мужырым Л.А. Саликаева ден Ю.А. Минилгалиев, Нинуш ден Сергушын рольыштым Е.В. Бикмасова ден А.В. Илибаев, илалше еш мужырым Марианна ден Вадим Яибековмыт келыштарышт.

Клуб вуйлатыше уна-влаклан мемнан деке ончыкыжат толын кошташ тыланыш. Тыгай шокшо концертым Ӱткӱстӧ ял калык, школ коллектив, клуб вуйлатыше В.П. Янибеков (тудак режиссер да художественный оформитель) ямдыленыт. Тау нунылан. Могай марий концерт «кандыра» деч посна эрта? Ӱткӱстӧ ялын уста гармоньчыжо Э. Янибеков ӱдыр-рвезе-влакым нойымешкышт куштыктыш.