-15 °С
Пылан
Все новости
Тазалык - поянлык
17 Сентябрьыште 2025, 12:57
«Тазалык поездым» куанен вашлийна
Айдемылан тазалыкше - эн шерге, тиде кугу поянлык. Кажне еҥ шке тазалыкшым эскера, черланаш перна гын, вашкерак тӧрланаш тырша. А ялыште тазалыкым аралыме да эмлалтме шотышто мыланна тӱҥ эҥертыш - верысе фельдшер.
Ял калык «Тазалык поездым» вашлиеш.
Л.А. Мурзабаева. Авторын колтымо фото-влак.
Мемнан ялыштына тыгай эҥертыш - Лилия Анатольевна Мурзабаева. Тудо медицина пашаште кумло ий наре тырша, тышеч латиндеш ийжым - ялыштына. Лилия Анатольевна поро чонан, ласка, шке пашажым тыршен шукта.
Кодшо ийын, шыжым, ялыштына ФАП-ым почыч. Ты кечылаште мемнан деке «Тазалык поезд» тольо. Тыште невролог, терапевт да моло специалист пашам ыштышт, флюорографий, маммографий, ЭКГ кабинет-влакат ыльыч. Ял калыклан тиде пеш кугу полыш, вет олашке каен, врач деке логалаш йӧсырак.
Тыгай кугу уна-влакым вашлияш клуб вуйлатыше дене школым полшаш йодыч. Алена Павловна «Арама» ансамбльжым тарватыш. Нуно марла муро, мелна да тичмаш кинде дене уна-влакым вашлийыч. А тунемше-влак нунылан полшышт. Толшо уна-влак мемнан дене пырля куштымашкат ушнышт, «Кандырам» веселан тавалтышт. Нӧлталтше кумыл дене тӱҥалмек, пашат порын шукталтеш, тазалыкланат пайдале.
Новости партнеров