Медпунктым почыныт

Мешер ялысе ФАП-ыште 132 еҥ (нунын коклаште 36 йоча), Сокто ялыште почмо эмлымверыште Сокто, У Князь, Владимировка, Александровка, Васильевка яллаште илыше 266 еҥ (нунын коклаште 55 йоча) тазалыкыштым тӧрлен кертыт. Нуным Гузель Шуматбаева ден Римма Гареева эмлаш тӱҥалыт.  

Эмлымверым почмашке Шаран район администраций вуйлатыше М.З. Ахмадуллин, Кугыжаныш Думын депутатше Р.А. Баталова, Башкортостанын Кугыжаныш Собранийжын - Курултайын депутатше А.Г. Андреев, республикысе Здравоохранений министерствын медицина пашан качествыжым да лӱдыкшыдымылыкшым ведомство велым терген шогымо пӧлкажым вуйлатыше Р.О. Мавлютов, районысо рӱдӧ больницын тӱҥ врачше Р.К. Янгиров толыныт ыле. 

Уна-влак тыгай эмлымвер-влак яллаште пешат кӱлешан улмым палемдышт да тысе калыклан тазалыкым тыланышт. Пайрем шÿлыш, шокшо мут, у медпункт -  чылажат кумылым нӧлтале. Тек у ФАП-влак калыкын тазалыкшым аралымаште пеҥгыде эҥертыш лийыт.