Тора яллашке Тазалык поезд-влак вашкат

Калтаса районышто Тазалык поезд эн ондак тора лукышто верланыше Тошто Яш ялсоветыш пурышо яллашке миен - 20 майыште Тошто Яшыште, 21 майыште Актыган ялыште пашам ыштен. Кок кече жапыште Куватов лӱмеш республикысе клининический больница гыч толшо невролог, онколог, эндокринолог, акушер-гинеколог, тыгак Калтаса райбольницын врачше-влак, Нефтекамск ола гыч мийыше кусаркален кондыштарыме Тазалык рӱдерын, флюорографын, маммографын специалистышт, Тошто Яш ден Актуган ялласе ФАП-влакын фельдшерышт У Яш, Тошто Яш, Актуган, Уял, Братовщина ялласе калыкын тазалыкыштым шымленыт. Ялче-влак нине кечылаште икганаште тӱрлӧ специалист деч эмлалташ кӱлешан каҥашым налын кертыныт. Автопоезд умбакыже райрӱдӧ деч тораште верланыше моло яллаште пашам ышта.