Витаминан чай

Иммунитетым пеҥгыдемдаш кочкыш гыч тӱҥалаш кӱлеш. Кеҥежым шуко еҥ олыкысо да пакчаште кушшо пайдале шудо-влакым уло кумылын погат да кочкыт. Телылан тӱрлӧ эмшудым коштен ямдылена, но ала-молан тиде шудо-влак гыч чайым шуэн ыштена.

Витаминан чай чылалан пайдале. Туге гынат тыгай чайым арнялан ик гана йӱына гынат, тазалыклан кугу пайдам ыштена. Тыгай чайлан шоптыр, эҥыж, снеге лышташ кӱлыт. Термосеш шокшырак (60 градус) вӱдым темен, шудо чайым банкеш але мотор чайникеш ямдылаш лиеш. Тушкак кылмыктыме емыжым, лимон да мӱйым ешарен кертыда. Чайын тамже арня мучкат лектын кертеш, вӱдым гына ешаре.