Телым утларакшым С, аскорбин кислотан витамин-влак огыт сите. Аскорбин кислотам ситараш кивим, апельсиным, шем пызлыгичкым, помидорым, болгар пурысым кочса, шопыктарыме ковышташте С витамин цитрус фрукт дечат шуко.
Телым тыгак В группын витамин ситыдымаш палдырна: тӱрвӧ кошка, умша лук шелышталтеш, ӱп йога, кӱч шелышталтеш, йӱштыштӧ шинчавӱд йога. Ситыдыме витаминым ешараш шемшыдаҥ, рис, пурса, муно, верге, мокш, шӱм, пӱкш, йошкарушмен полшат.
Удан ужаш тӱҥалында гын, тыланда А витамин ок сите. Тудо шинча пӱсылыклан полша, иммунитетым пеҥгыдемда. Тыгай витамин шӧрыштӧ, мунышто, колышто, кешырыште, петрушкышто, укропышто, шинчаланшудышто, абрикосышто шуко.
Е витамин - эн тале пӱртӱс антиоксидант. Тудо иммунитетым куча, клеткым сусыргымо деч арала, вуйлан нагрузкым сеҥаш полша, организмым стресс деч арала. Тиде витамин шпинатыште, ковышташте, салат лышташыште, ушкал мокшышто, мунышто, кушкыл ӱйыштӧ уло.
Д витамин муноптемыште, кол ӱйыштӧ, шӧр-торыкышто ятыр.
Телым тазалыкым пеҥгыдемдаш икмыняр пайдале каҥаш: