Электрон сигарет тазалыкым локтылеш

Модылан келшен толшо сатум ужалыше киоск ден кевыт-влак кажне лукышто верланеныт. Ола уремлаште чӱчкыдын трактор семын шикшым тӱргыктен ошкылшо еҥ-влакым шекланем. Умшаштышт электрон сигарет але вес семынже «вейп» маныт. «Вейп» мутым англичан йылме гыч кусараш гын, «пар» лиеш. Тиде веществам пышташ лийше изи ате. Нуно тӱрлӧ кугытан да сынан лийыт.

Вейп 2013 ийыште калык коклаште кумдан шарлен. Пытартыш жапыште тудын дене утларак самырык ӱдыр-рвезе-влак пайдаланаш тӱҥалыныт. Изи атыш тӱрлӧ таман (манго, апельсин, персик) ароматизатор-влакым пышташ лиеш, тидыжак самырык-влакым сымыстара. Тыгодым тудын составыштыже организмлан эҥгекым ыштен кертше кок тӱжем наре химический элемент уло. Тудын пашаже ингаляторым ушештара: электрон сигаретын кӧргыштыжӧ вишкыде вещества ыра да шолаш пура, тидлан кӧра пар лектеш. Тудым еҥ тамак семын кӧргышкыжӧ шупшылеш. Тудлан кӧра инфаркт лийын кертеш, шодо, шӱм чер-влак палдырнат. Молан лач самырык-влак пайдаланат? Икте-весе коклаште шкеныштын ойыртемалтше, кугу лиймыштым, эрыкан улмыштым ончыкташ тыршат.

Мыйын шонымаште, кеч-могай тамак организмлан эҥгекым ышта. Электрон сигаретын эҥгекше нергенат икшыве-влаклан эре умылтарен шогышаш улына. Вейпын тазалыклан могай зияным конден кертмыже, тушто сай огыл вещества-влак улмо нерген каласкалыман.

Ончыкылык нерген шоналташат лӱдмашан, кызытсе тукым таза икшывым ыштен кертеш мо?

Автор:Л. БАЙРАМОВА. Нефтекамск ола.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».