Тазалыкым тергат

2690 еҥлан диспансеризацийыш пурыдымо диагностикым эрташ, 30 тӱжем еҥлан санаторий ден курортлаште тазалыкым пеҥгыдемдаш, 548 еҥлан кӱкшӧ технологиян полыш шотышто йодышым рашемдаш темлыме.

2022 ий гыч диспансеризацийын икымше этапшым фельдшер-акушер пунктлаштат эртарат. Тушко мийыше-влак анкетысе йодыш-влаклан вашештат, нунын артериальный давленийыштым, вӱрыштӧ холестерин да глюкоза мыняр улмым висат. Тыге тений 1735 ФАП-ыште 520 тӱжем еҥын тазалыкшым тергыме, палдарен здравоохранений министр Айрат Рахматуллин БР Правительствын оперативный совещанийыштыже.