-3 °С
Пылан
Все новости
Тазалык - поянлык
25 Пургыж 2023, 15:43
Шошо велеш могай кочкыш пайдале?
Теле мучаште айдеме вий шагалеммым, кумыл вашталтмым шижеш. Кужу теле организмым нойыктара. Тӱҥ амалже - кечын вийже, Д витамин ситыдымаш. Тыгай годым серотонин, норадреналин да дофамин гормон-влак шагалемыт, психика лушкыдемеш. Ученый-влакын шымлымашышт рашемден: тыгай идалык жапыште кочмо рацион сай лийшаш. Мутлан, антиоксидант-влак вуйдорыкын клеткыже-влакым локтылалтме деч аралат, неле углевод-влак нерв системым лыпландарат, а протеинлан поян кочкыш вийым ешара.
Емыж
Клюква, облепиха, молыжат - емыж организмлан эре кӱлешан. Нуно витаминлан, минераллан, пектинлан, органический кислоталан, клетчаткылан поян улыт. Емыж иммунитетым пеҥгыдемда, нерв, шӱм да вӱргорно системылан полша, шолын пашажым, вещества вашталтме сомылым саемда.
Какао
Тиде тутло йӱышыштӧ антиоксидант шуко. Тудо давленийым волта, шӱм да вӱргорно черым чактара, вуйдорыкын пашажым саемда, бактерий-влак ваштареш кучедалеш, астма черым куштылемда.
Куштымо нӧргӧ шыдаҥ
Нерв системылан кӱлешан магний шуко улмо дене ойыртемалтеш. Авитаминоз дене орланыше организмлан сай полша. Тушто кальций, калий, хром, медь, кремний, селен, цинк, кӱртньӧ, йод, B5, Е, С, D, Р витамин, фолиевый кислота ятыр. Нӧргӧ ужар кушкылым тыглаяк кочкаш, салатыш ешараш, тушитлаш лиеш.
Кечшудо туш
Тудын дене организмыш фосфор, кӱртньӧ, селен, фтор, натрий, кремний, хром, марганец, йод да моло микроэлемент, В, Е, D витамин логалыт. Эпидемий годымат калий, магний да цинк чер деч аралалташ полшат.
Чыве муно
Тудо вий лушкымо, депрессий годым сай полша. Муно тӱня мучко рационын ик эн пайдале да питательный ужашыжлан шотлалтеш. Тыгодым уто нелытым погымо деч лӱдмӧ ок кӱл.
Шинчалтыме ковышт йошкарушмен
Ковышта лу-влакым пеҥгыдемда, иммунитетым саемда, пищеваренийлан полша. Тушто А, В, С витамин, кальций, клетчатка, магний, кӱртньӧ ятыр. Йошкарушмен бетаинлан, фолиевый кислоталан, В витаминлан, бета-каротинлан, С витаминлан поян.
Кол
Омега-3 да омега-6 вещества-влак нергенат мондыман огыл. Нуно колышто ситышын улыт. Теле деч вара помыжалташ организмлан трескан мокшыжо сай полша.
Д витаминлан поян кочкыш
Тиде витамин шагал улмо годым вий ситыдымаш, апатий, иммунитет лушкыдемме шижалтеш, айдеме чӱчкыдын кылмыме чер дене черлана. Д витамин тыгак лун да пӱйын тазалыкыштышт кугу рольым модыт. Тудо кол ӱйыштӧ, муноптемыште, ушкал ӱйыштӧ, лососьышто, мокшышто ятыр.
Читайте нас:
© 2024 «Чолман». Республиканская общественно-политическая газета на марийском языке. Издается с 24 апреля 1991 г.
Главный редактор - Губаев Игорь Иванович.
При использовании материалов гиперссылка на сайт cholman.info обязательна.
Категория информационной продукции 12+
Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.
Мы в соцсетях:
ВКонтакте - vk.com/cholman
Telegram - https://t.me/cholmantv
Я.Дзен - https://dzen.ru/cholman
ОК - ok.ru/cholmanrb
TikTok - tiktok.com/@cholman.tv
Телефон
Телефон: 8(34783)7-07-97.
Электрон почто
Адрес
Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж.
Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».