Олалаште шукырак черланат

РФ Роспотребнадзорын Башкортостан Республикысе управленийжын увертарымыж почеш, кундемыште СПИД дене черланыме икымше случайым верештме жап гыч тӱҥалын (1987 ий), тачысе кече марте ВИЧ инфекциян 30721 еҥым регистрироватлыме. Кызытсе жапыште тушеч 21 тӱжем утла черлыже учетышто шога, нунын кокла гыч пӧръеҥ-влак - 13 тӱжем наре, ӱдырамаш-влак - 8 тӱжем утла. 12 тӱжем наре ВИЧ-инфицироватлалтше еҥ олалаште, 6,8 тӱжем еҥ селала ден яллаште илат, РФ УФСИН-ын Башкортостан Республикыште верланыше учрежденийлаштыже 1653 еҥ, посна илыме вер деч посна перныл коштшо 800 наре еҥ шотлалтеш. 2017 ий дене таҥастарымаште, тений СПИД дене черланыше-влакын чотышт 3,7 процентлан шагалемын.

Башкортостаныште СПИД дене кылдалтше йодышым 8(347) 250-04-72 номеран Ӱшан телефон дене йыҥгыртен рашемдаш лиеш.