Ӧрдыж кундемыштат лӱмнам нӧлтат

Кажне айдемын шкенжын илыш пÿрымашыже. Марианна Ярметова, Мишкан район Токтар ял ÿдыр, верысе кандашияш да Тынбай кыдалаш школлаште сайын тунемын, школ илышыш чолган ушнен, мураш-кушташ йӧратен, тале спортсмен лийын. 10-11 класслаште марий йылме ден литератур уроклам вÿдымӧ годым шочмо йылмына дене сылнын ойлен колтымыжым, произведенийлам лудын, лончылен, шке шонымашыжым каласен моштымыжым тачат порын шарналтем.

Фестивальыште Чистюхинмыт ешым Гран-при дене палемденыт. Тиде сеҥымаш дене нуным Пуровский районын депутатше М.И. Колесников (шолаште) саламлен. Еш архив гыч налме фото.

Марий калыкын кочкышыж дене палдарымаш.

Чистюхинмыт усталыкым ончыктымо конкурсышто.

«ЧОЛМАН» ГАЗЕТЫМ МАX-ЫШТЕ ЛУДЫНА!

Кызыт Марианна ныл икшыван ава улеш. 2009-ше ий гыч еш дене Ямал-Ненец автономный округысо Тарко-Сале олаште илат. Евгений пелашыже - Белгород ола гыч руш рвезе. Апрель тылзыште шке кумылын специальный военный операцийыш каен.

Шуко икшыван, келшен илыше Чистюхинмытын ешыштышт икте-весым умылымаш, пагалымаш озаланат. Икшыве-влак ачаштым сагынат, тудын дене кугешнат, таза-эсен пӧртыл толмыжым вучат, а авалан эҥертыш да полышкалыше улыт. Ача-авашт нуным руш да марий калык-влакын йӱлашт негызеш воспитатлен куштат.

19 сентябрьыште Тарко-Салеште Российысе калык-влакын икоян улмо идалыкыштлан пӧлеклыме фестивальым эртареныт. «Россия - семья семей» конкурсышто руш, татар, манси, ненец еш-влак да нунын коклаште марий калыкын тÿвыражым почын пуышо Чистюхинмыт еш вийыштым тергеныт. Марианна ден икшывыже-влак - 8-ше классыште тунемше Лёня, 7 классыште тунемше Даша, 3 классыште тунемше София, йочасадыш коштшо Юлия конкурсын ныл этапшымат сайын эртеныт.

Конкурсыш ушнышо еш-влак. Чистюхинмытын келшен илыше ешышт пурлаште шога.

Марий кудышто Марий кочыш дене йолташышт- влак палдарат

Чистюхинмыт еш марий калык вургем дене палдара.

Кугу да келшен илыше Чистюхинмыт еш. 2025 ий. Чыла фото да видео еш архив гыч налме.

Мотор марий вургемым чиен, шке ешышт нерген каласкаленыт, мурым йоҥгалтареныт, команмелнам да пареҥге перемечым кÿэштыныт. Марий кудым сӧрастараш Марианнан йолташыже-влак полшеныт (Тиде олаште ятыр марий ила). Конкурсышто Гран-прим сеҥен налше Чистюхинмыт ешлан дипломым да окса премийым кучыктеныт. Тиде моткоч кугу куан! Тыгай еш дене кугешнаш веле кодеш!

Марианна Эренбурговна оласе марий-влак дене пырля тыгай конкурслашке кумшо ий ушна, а еш-влак коклаште эртарыме мероприятийыште икымше гана вийыштым тергеныт да, марий калыкын тÿвыражым мастарын почын пуэн, эн сай улмыштым ончыктеныт. Икшыве-влак ача-аваштым сайын тунеммышт дене куандарат, музыкальный школышто шинчымашым налыт, спорт денат кылым кучат. Тыгай конкурс-влак ешлан ончыкыжат шуаралташ корным почыт, тÿрлӧ калык коклаште келшен илымашым пеҥгыдемдаш полшат.

Пагалыме лудшына-влак, ВК ден Одноклассники соцлаштыклаште вераҥдыме уверым каҥашаш ушнаш ӱжына!

Автор:Надежда МИНАЕВА.

Читайте нас

Партнеры

Фотобанк журналистов РБ

Рубрика "Еда и напитки"

Рубрика "Животные"

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Об использовании персональных данных

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

ОК - ok.ru/cholmanrb

МАКС - max.ru/cholman

Телефон

Телефон: 8(34783)7-07-97.

Эл. почта

cholman@mail.ru

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».