+20 °С
Облачно
Тӱвыра да мер илыш
29 Мая , 17:35
Уфаште книга пайрем эрта
Тиде кечылаште Уфаште «Китап-Байрам» IV тӱнямбал книга ярмиҥга пашам ышта. Тудо шке йырже Российын регионжо-влак, Беларусь, Иран гыч 80 утла савыктышым, ятыр писатель, искусствовед да мер пашаеҥым чумырен. Кугу фестивальыш лӱмлӧ уна-влакат - Россий Президентын полышкалышыже, элысе Писатель ушемын икымше секретарьже, историк Владимир Мединский, М. Горький лӱмеш МХАТ-ын художественный вуйлатышыже, Российын да Башкортостанын калык артистышт Сергей Безруков, мер пашаеҥ, телевӱдышӧ, писатель, Российын заслуженный юристше Павел Астахов да молат - толыныт. «Китап-Байрам» ярмиҥгаште патриотизм шӱлышан тӱрлӧ оҥай экспозиций, «Музей истории СВО» интерактивный мобильный комплекс, Уфа олан Кугу Ачамланде сар годсо илышыже нерген каласкалыше выставка пашам ыштат.
“Башинформ” гыч налме фото-влак.
“Башинформ” гыч налме фото-влак.
Лудмаш пайремыште калыкым оҥай книга, газет-журнал-влак дене «Башкортостан Республика» Издательский пӧртын, «Китап» издательствын, тыгак Марий Эл республикысе книга савыктыш пӧртын пашаеҥже-влакат палдарат. Посна вераҥдыме шатерлаште нунын темлыме тӱрлӧ пайдале литературым шергалаш, налаш лиеш. А эше тиде книга ярмиҥгаште газет ден журнал-влаклан возалтме «Поро подписка» акций вийым налын. Тудын дене пайдаланен, Марий Эл республикысе книга савыктыш пӧртын директоржо Эдуард Иманаев теният суапле сомылым шуктен - Бирск ола гыч СВО-што улшо марий сарзын ешыжлан, Айгузинмытлан, «Чолман» газетлан подпискым ыштен.
