+5 °С
Пылан
Все новости
Тӱвыра да мер илыш
28 Ӱярня , 11:17
Ӱшаным пӧлеклыше мастарлык
Нефтекамск оласе психоневрологий интернатыште «Вдохновение» инклюзивный мастерской пашам ышта. Тудым В.Ф. Назмутдинова вуйлата, йоча-влакым сӱретлаш, шун, мамык гыч оҥай арвер-влакым ыштылаш туныкта.
Авторын колтымо фото.
Авторын колтымо фото.
Илышыште йырысе кумдыкым сӧрастараш Валима Файзеловна кугурак класслаште тунеммыж годымак кумылаҥын. Лач тунам тудо роспись семын пушеҥгеш сӱретлаш тӱҥалын. Уфа оласе педагогика институтышто тунемын, тӱҥалтыш класслаште туныктышо лийын. Ятыр ий школышто ыштымеке, пӱрымаш тудым интернатыш конден. В.Ф. Назмутдинован вуйлатымыж почеш мастерскойышто интернатысе кажне еҥ чонлан келшыше кидпашам шукта - карандаш дене сӱретла, пушкыдо мамык гыч сӧрал курчакым, шун гыч оҥай модышым ыштылеш. Тыште социальный услугым налше-влак технический моштымашлан веле огыл тунемыт, эше кид моторикыштым шуарат, шке эмоцийыштым искусство гоч почын пуаш кумылаҥыт. Валима Файзеловна нунылан уло йӧратымашыжым да моштымашыжым пуа.
«Вдохновение» мастерскойын пашажым ужын, умылет: искусство айдемым эмла, пырля уша да ончыкылыклан сай ӱшаным пӧлекла.
Новости партнеров