Тендан йодмо мурыда

Авамлан

Мутшо Семен Николаевын.

Семже Евгений Волковын. 

Пеледын лай шошо,

Садер ынде ошо,

Коеш ладыра ломбо мотор ӱдыр гай.

Письмам таче нальым

Да порын шарнальым

Шке шочмо ялемым да тыйым, авай.

Палем ава кумыл

Лай порсын дене куымо,

Авалан эн шерге шке шочшыжо-влак.

Ава лыве гае,

Ава муро гае,

Аван шӱмжӧ кече дечат шокшырак.

Палем, кажне кечын,

Ярсен сомыл дечын,

Йошкар-Ола корныш ончет, аваем.

Вучал, йӧраталме,

Вучал ӱшаналын,-

Изи кайыкла мӧҥгӧ пӧртыл мием.