Тендан йодмо мурыда. Вуча арама

1.Пырля коштмынам моткоч шуко гана

Кӧраналын ончен арама.

Молан, йолташем, сыренат мыланем,

Садышкат тый от лек арамак?

Припев:

Ужат, куанен,

Тылзат шаҥгысек шыргыжеш,

Тӱня тӱзланен

Мемнан рвезе пагыт лӱмеш.

2. Ялт тулык гай лийын, чатка арама

Лекмынажым вуча, шӱмбелем.

Мый вуйым ом пу ойгылан нигунам,

Тыланет ты мурем пӧлеклем.

Припев.

3.Ойла чыла калык тыге ожнысек:

Йӧраташ огеш лий кок гана.

Мыят ӱшанем, арамат ӱшана:

Адакат ме пырля лийына.

  Припев:

Ужат, куанен,

Тылзат шаҥгысек шыргыжеш,

Тӱня тӱзланен

Мемнан рвезе пагыт лӱмеш.