Шочмо йылме дене савыктыме книгам кушто налаш?

Российын книга рӱдерже

Башкортостаным эн лудшо кундемлан шотлат - ты лӱмжым тудо элысе конкурсыштат пеҥгыдемден. Книга ярмиҥгат - автор да савыктыше, лудшо-влакын вучымо пайремышт - республикынан рӱдолаштыже эрта. «Китап-байрам» кундемнан тӱвыра брендышкыже савырнен, тиде йӧратыме да вучымо фестиваль», - ойла Башкортостанын Вуйлыкшо Радий Хабиров.

Башкирийыште книгам лудыт веле огыл, эше савыктат. Зайнаб Биишева лӱмеш «Китап» савыктышым элысе эн сай 50 савыктыш радамыш пуртымо, а национальный савыктыш-влак коклаште ончыл верым айла. Тыште сылнымутан, справочный, научный литературым, учебник-влакым савыктат (ий еда 500 тӱжем тунемшылан учебникым да паша тетрадьым ситарат). Рушла, башкирла, татарла, республикыште илыше моло калык-влакын, элысе да йот элласе калык-влакын йылмышт дене возымо книга-влак ош тӱням ужыт. 

Уфа покшелне - у кевыт

Сентябрьыште республикынан рӱдолаштыже «Китап» савыктышын у кевытшым почыныт. Ынде тудо олан исторический рӱдышкыжӧ, Ленин уремысе 26-шо пӧртыш, куснен. Тиде олашке толшо да турист-влаклан пеш йӧнан вер. Тудо верысе калыкланат келша - тыште жапым пайдалын эртараш, поэт да писатель-влак дене вашлияш лиеш. Кевытыште ужалыме зал, лекторий, книгам лаштыклен шинчаш келыштарыме вер улыт. Тыште тӱрлӧ вере савыктыме книгам гына огыл, модышым, сувенирым, кидпашалан  тӱрлӧ сатумат налаш лиеш. 

Книгам онлайн заказатлаш лиеш мо?

«Китап» савыктышын книгаже-влакым тӱнямбалне кеч-куштат налаш лиеш. Тидлан нуным kitap-ufa.ru сайтыште ончалман, налман да кӱлеш верыш намияш йодын возыман. Тыштак электрон книгам лудаш налаш (южыжым тугок) лиеш. Аудиоформат дене башкир калык йомакым, аза малтыме мурым колышт кертыда. А эше «Китап» савыктышын сатужым Ozon, Wildberries маркетплейслаштат налаш  йӧным ыштыме.