Паркыште оркестр сем йоҥген

Сцена гыч калыкым Озаҥ ола гыч толшо "Фантазия" ӱдырамаш-влакын джаз-оркестрышт (художественный вуйлатышыже, дирижер Ю. Щербаков) да Уфа оласе Тӱвыра полатын духовой оркестрже (дирижер Р. Янбаев) классика сынан, тыгак палыме муро-влаклан келыштарыме чапле сем-влак дене куандарышт. Паркыште тыгак кушташ, семӱзгар дене шокташ туныктымо, авторский муро, сылнымут площадке, мастар-влакын кидпаша выставкышт, тӱрлӧ мастер-класс, сӱрет галерей пашам ыштышт. Музык ийготым ок ончо - классикым колышташ мийыше-влак коклаште самырыкшат, кокла ийготанжат, шоҥгыжат ятыр ильыч. Умбакыже тыгай марафон Бирск, Белебей, Йошкар-Ола, Оренбург да моло олалаште эрта.