Тушто ялче да пайремыш толшо уна-влак шке кид дене ямдылыме ӱзгар, вургем дене палдарышт, мастер-классым ончыктышт. Школ кудывечыште верланыше кугу сценыште верысе «Изэҥер», «Шонанпыл», «Рвезылык», Бирск ола гыч «Марий кас» ансамбль-влак, тыгак пайремыш воктенсе ялла гыч толшо мурышо-куштышо усталык коллектив-влак концертым ончыктышт. Пайремын унаже-влакым кол лем, чай дене сийлышт. Кастене ял калыкым дискотека, конкурс-влак дене куандарышт.