Все новости
Тӱвыра да мер илыш
16 Пургыж 2023, 17:07

Ф.И. Шаляпинын шочмыжлан 150 ий темме лӱмеш

Шукерте огыл Мишкан селасе тӱвыра полатыште кумдан палыме руш опера мурызо Ф.И. Шаляпинын шочмыжлан 150 ий темме лӱмеш информационный шагат эртыш.

Авторын фотожо-влак.
Авторын фотожо-влак.
Авторын фотожо-влак.
Авторын фотожо-влак.

Тудо 1873 ий 13 февральыште Озаҥ олаште шочын, ӱмыржӧ 1938 ийыште кӱрылтын. Залыш школла гыч тунемше, туныктышо, уна-влак погыненыт ыле. Вӱдышӧ зритель-влакым Федор Ивановичын илышыже, творчествыже, тудын ешыже дене палдарыш. Мыланна, залыште шинчыше-влаклан, тидым палаш путырак оҥай ыле. Зритель-влак уло кумылын «Дон Кихот» фильм гыч ужашым ончышт (Тушто Ф.И. Шаляпин тӱҥ рольым модын.). Фильмын премьерыже 1933 ий 25 майыште лийын. Тудын режиссержылан Георг Вильгельм Пабст шотлалтеш. Мероприятийыште тыгак Ф.И. Шаляпинын тӱня мучко палыме «Очи черные» романсым мурымыжым колыштна, мурызын усталык корныжлан пӧлеклыме викториныште шинчымашнам тергышна.

Авторын фотожо-влак.
Авторын фотожо-влак.
Авторын фотожо-влак.
Авторын фотожо-влак.
Автор:У. ПОПОВА. Мишкан села.
Читайте нас: