* Казаньыште Пиалан йоча жап музей уло. Тудын ятыр экспонатшым СССР-ыште ыштеныт.
* Санкт-Петербургысо Шереметевский полатыште Российыште гына улшо роговой оркестрлан семӱзгар-влакым аралат.
* Мемнан элыште литератур персонажлан пӧлеклыме икымше тоштерым 1972 ийыште почыныт. Тудо Ленинградский область Гатчинский район Выра ялыште верланен. Тиде А. С. Пушкинын «Повести Белкина» произведенийже гыч станционный смотритель Самсон Выринын пӧртшӧ.
* Ший курым музей поэт В. Я. Брюсовын илыме пӧртыштыжӧ верланен.
* Москваште М. А. Булгаковын тоштержым «Нехорошая квартира» маныт. Тиде лӱм «Мастер и Маргарита» романыште сӱретлыме пачер дене кылдалтын.
* Пенза оласе Г. В. Мясников лӱмеш музейыште ик радынам гына ужаш лиеш.
* Псков областьысе Пушкиногорский район Бугрово ялысе тоштерыште ыштыште вӱдвакшым ужын кертына.
* Икымше Модыш-влак музейым 1918 ийыште Москваште Н. Д. Бартрам ыштен.
* Козьмодемьянск олаште тоштер Остап Бендерын лӱмжым нумалеш. Тиде И. А. Ильф ден Е. Петровын произведенийышт дене кылдалтын.
* А. С. Пушкин лӱмеш ГМИИ-лан поэтын лӱмжым тудын колымыжлан шӱдӧ ий темме идалыкыште (1937 ий) пуэныт.