Шокталте, гармонь!

Эртыше кугарнян Кужнур ялыште «Айык села - 2020» конкурс кышкарыште «Шокталте, гармонь, калыкнан чон куанже!» пайремым эртареныт. Тудын торжественный ужашыже ял покшелне тӱҥалын. Погынышо калыкым Бирск район администрацийын вуйлатышыже А.В. Талалов, БР Кугыжаныш Собранийын - Курултайын депутатше Я.А. Кугубаев, ялсовет вуйлатыше Р.Р. Байрамов саламленыт.

Ты пайремыш Бирск ола да районысо йырым-йыр ялла гыч гына огыл, Мишкан район гычат ятыр уста гармоньчо ден тӱмырзӧ миеныт. Нунылан шке мастарлыкыштым ончыкташ лӱмын сценым келыштареныт.

Чыла калыкат такмаклаш йӧрата дыр. А эрвелмарий-влак, такмаклаш тӱҥалыт гын, кандырам пунен-тавен-тывыртатен шелыштыт гына. Уста гармоньчо-влакын лыкын-лукын савыртышан семышт почеш чон почылтмеш, кумыл лушкымеш мурат-куштат! Кужнурыштат ӧрдыж гыч ончен шогышым ужаш лийын огыл.

Тевыс, телымат тыгай пайремым веселан рӱж эртараш лиеш улмаш. Уна-влак ынышт кылме манын, кужнур-влак уремыштак шӱчан самовареш шокшо чайым шолтеныт, мелнам да моло сийым кӱэшт ямдыленыт. А кумылан-влак тыгодымак выставкым ончалын да имне дене коштын савырнен кертыныт.

С. Чиглинцевын фотожо-влак.

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».