Все новости
Тӱвыра да мер илыш
16 Сорла 2020, 15:45

Эрвелмарий-влак нерген у книга

Йошкар-Олаште М.А. Кастрен ушемын полшымыж дене «Эрвелмарий калыкын тӱвыра поянлыкше: ожнысо тӱсшӧ да тачысе сынже. Этнографий очерк-влак» книгам савыктеныт. Тудым философий доктор Ильдико Лехтинен ямдылен.

Эрвелмарий-влак калыкнан кӧргӧ чон поянлыкшым, чий йӱлажым арален кодымаште ик эн ончыл верыште шогат. Тиде книгасе этнографий очерк-влак нунын посна тӱшка семын вияҥмыштым, акрет годсо жап гыч тӱҥалын тачысе кече марте эртыме корныштым, чимарий йӱлаштым почын пуат, сурт-оралтым чоҥымо ойыртемышт нерген каласкалат. Шымлыме паша-влак тыгак еш илыш-йӱлалан да эрвелмарий-влак коклаште гына аралалт кодшо да пытартыш жапыште шкешотан брендыш савырныше «Кандыра» куштымашлан пӧлеклалтыныт.
Книга историйым, калык йӱлам, ойпогым шымлыше-влаклан, туныктышо ден тунемше-шамычлан, тыгак марий калыкын эртыме корныжым да кызытсе илыш йӱлажым палаш тыршыше-влаклан темлалтеш, увертара МарНИИЯЛИ.
Читайте нас в