Проектлан полшыман!

Шке калыкнам арален кодаш мом ыштыман? Мутат уке, калык ила, кунам йӱлаже, тӱвыраже, йылмыже илыше. Кунам школышто, йочасадыште веле огыл, а уремыштат, сурт кöргыштат шочмо йылме дене ойласат.

Но…илыш кызыт тыгай, а ончыкыжым тиде тенденций эшеат кугемеш – ме шкеннам калык семын арален кодаш шонена гын, Интернет пространствыштат йылмына илышаш.

Кажнына смартфоным кучылт моштена. А те смартфонышкыда марий йылмым шынден улыда мо? Мый шынденам. А южгунам смартфоныштем «Гугл помощникым», але компьютерыштем Яндексын «Алисажым» кучылтам. Теве кушто йылмын ончыкылыкшо! Смартфон да компьютер мемнан дене марла ойласен моштышаш. Тидлан икымше ошкыл – компьютерым але смартфоным (телефоным) марла «лудаш туныкташ». Проектыш кажнына ушнышаш! Теве проектын ссылкаже:

http://mari-lab.ru/index.php/Образцы_марийской_речи

Тиде ик айдемылан веле паша огыл! Айста погынен пырля тиде пашашке ушнена! Ончыктымо ссылка почеш пурен йодмыштым шуктыман. Сайын лудаш гын, мом йодыт – умылаш лиеш. Иктым веле ешарем: “Я,Иванов Иван Иванович, 1960 года рождения, разрешаю использовать данную запись под любой свободной лицензией. г.Йошкар-Ола, Республика Марий Эл” – тиде предложенийыште кажне йомакым лудын пытарымеке шке лӱмдам, шочмо ийдам, илыме вердам ойледа.

Марий йылмым туныктышо-влак, ушнаш йодам! Кеҥежым тиде пашам Самырык слетыш толшо-влак денат ыштена дыр...

А мо тугай «речевые технологии» и кузе тудо илыш дене кылдалтын – «Ютубышто» ссылкам почаш темлем:

https://www.youtube.com/watch?v=YPDDy_Boc1s

Тушто вераҥдыме «Робот моей мечты» видеом ончеда – чыла умыледа.

Изображение Free-Photos с сайта Pixabay

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».