Иктыш уша эн вучымо пайрем

Нефтекамск олаште Марий тӱвыра тылзым мучашлымаш ынде шукертак пашанам иктешлыме йӱлаш савырнен, манаш лиеш. Теният тыгак эрташ тӱҥалеш. Регион-влак кокласе марий тӱвыра фестивальын кугу концертшым вучен коштшо-влакым куандараш вашкена: 7 декабрьыште родо-шочшым вашлийме годымсо гай ташлыше кумылан пайремышкына пагален ӱжына. Тудо Оласе тӱвыра рӱдерыште (ГЦК) лиеш. Тошто марийын «Тидыжым тыге ыштена, тудыжым туге ыштена…» весела такмак корнылаж семын, иктыжым иктешлена, весыжым весемдена - У ийым вашлийме корныш тошкалына. Вет декабрь тылзыш пурымеке, шижынат от шукто, у идалыкым вашлийме шӱлыш чоным чыгылташ тӱҥалеш.

Икманаш, мураш-кушташ, конкурслаште модаш, мотор марий вургеман да эн ковыра улмым ончыкташ вийым ончычак поген шогыза.

Шукертак палат: мемнан пайремыште артист да ончаш толшо-влак коклаште усталык кыл порсын шӱртӧ дене ушымо гай тӱҥалтыш гыч мучаш марте, кумылым вӱчкен, чоным ырыкта. Тыште чылан, эсогыл залыште шинчыше-влакат, артистыш савырнат. Концертнан эше ик ойыртемже уло: кажне ийынат талантан, тысе зрительлан палыдыме у лӱмым почын ончыкташ тыршымынам ты ганат ӧрдыжеш огына кодо. Кузе сюрприз деч посна? Толыда - ужыда!

Ӱмашсе концерт годым зал гыч йодышым колтеныт ыле: «Муро-влакым Интернетыштат, дискыштат эре колына. Куштымаш номер-влакым сагынен пытенна, шукырак ончыктыза ыле…» Мо чын, тудо чын. Кумылдам шуктена, вет концертшым зрительлан эртарат огыл мо?

Вийым ончычак поген шогыза манмаште… Чу, билетым налаш вараш ида код! Концертышке огыда логал гын, чумырымо вийдам кушко чыкеда? Тӱшкан налаш шонышо-влак ончычсо семынак тидым редакций гоч ыштен кертыт. Тугеже, «имньынам кычкена» да тарванена веле?

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».