Марий йӱла пайрем-влакым кузе эртарыман?

Тиде йодышым рашемдаш, Шорыкйолым, Ӱярням, Кугечым, Агавайремым, Семыкым, Пеледыш, Угинде пайрем-влакым, Марий тиште кечым эртарыме радам дене палымым ышташ мемнан кундемыш усталык лабораторий проект дене Марий Эл Республикысе марий тӱвыра рӱдерын специалистше-влак толыт. Нуно 13-14 ноябрьыште Мишканыште, 15-16 ноябрьыште Нефтекамскыште теоретический да практический занятий-влакым эртарат. Программыш тыгак марий йӱла мурым мураш, куштымашым шындаш туныктымашымат пуртымо, йӱла пайрем-влакым шуктымо корным вияҥден толмо шотышто мутланымаш «йыргешке ӱстел» дене иктешлалтеш. Уна-влакын делегацийыштышт Йылмым, литературым, историйым шымлыше В.М. Васильев лӱмеш марий институтын пашаеҥже О.А. Калинина, Марий кугыжаныш университетысе тӱвыра да искусство кафедрын доцентше, Марий Эл Республикын калык артистше Н.А. Макарова, Самырык театрын режиссержо, Марий Эл Республикын калык артистше

З.В. Долгова, Республикысе марий тӱвыра рӱдерым вуйлатышын алмаштышыже

Р.А. Юрьева да тиде рӱдерынак методистше Э.В. Петрова лийыт.