Шошо толын!

Шошо толын, шокшо толын, кече шыргыжеш!

Шыже годсо лышташ дене лай мардеж модеш.

Йӱдым кӱчыкеш кодалын, кече кужемеш.

Теле годсо лум ужгажым мланде кудашеш.

Кӱдыроҥгыр помыжалтын, лум йымач лектеш

Да нарцисс дене тюльпаным пеледаш ӱжеш.

Куэ кичкым сакалталын, ломбо ошемеш,

Ошымшӱлыш сад-пакчаште тамлым кычалеш.

Янлык, шошо толмым шижын, мален кынелеш:

Тыште шоҥшо, тушто нерге эркын кудалеш.

Шоныдымын-вучыдымын, толын, йӱр йӱреш,

А почешыже, йышт лектын, кече шыргыжеш!