Лышташ йога

А жап эрта. 

               Алмаштышна ачам ме. 

Мемнам йоча-влак кушкыт 

                                   алмашташ. 

«Эртен тынар ий», - 

                         манын ом чамане.

Эше мыняр гана йога лышташ?

Йога…

     Уэш шочеш мотор садвечыште.

Пелед шогалын, тӱзлана саска.

Пел курым наре возын

                                 таче вачышке - 

Нумалын тудым, ошкылам ласкан.

Эртем мемнам алмаштышаш воктечын,

А корно ончык-ончык 

                             шуйналтеш. 

Шонем лач иктым: 

                        Мланде мемнан дечын

Вес тукымлан ояр каван 

                                   кодеш.