Сеҥымаш ден пӧртыл, салтак

Уэш пыл нугыдемын вуй ӱмбалне,

Пуйто жап чакналтыш мӧҥгешла.

Адак элемын йомо тыныс омо,

Салтак ок мале - элым арала.

Курымла мучко кӧлан мо ок сите?

Кече икте - кажным тӧр онча.

Ала, кушеч лектеш дыр вий тугае:

Юмын лӱм ден пыльгыжеш ия?

Да мо тудлан изи айдемын чонжо,

Шинчавӱд аван шке шочшыж верч?

Кышка орваж йымак чыла, ок шоно,

Илышым вес йыжыҥ гыч ужеш.

Тушман осал, чоя да вигак ямде

Кид йымак чыла поген налаш.

Но вӱрыштӧ мемнан кугезе койыш -

Шочмо эл верч пеҥгыдын шогаш.

Шке элым аралаш - суапле сомыл,

Кугезын вӱр ден возымо пунчал.

Россий Салтак! Тый Сеҥымаш ден пӧртыл!

Мыланна вес корно ок кончал.