Курыкат пала

Курык кугыза куаныш:

«Вет уэш пайрем,

Йывырталын, йоча-шамыч

Толыт мый декем.

Кеч ийдер ден, кеч издер ден.

Ечыжат кӱлеш.

Мунчалтат тӱшкан, я шкетын,

Кычкырлат: «Волем!»

Курыквуй пуста ден темын,

Э-эх, уке  иктат…

Телефон гоч смс-кым

Колташ гын, векат?

«Лум ок тол вет кужу жаплан,

Толза мунчалташ…» 

Сеҥен ала тӱрлӧ гаджет  

Чоннам, мом ышташ?

Курык вуйыш йоча-влакым  

Кунам вучаш? Ала».

Ынде теве интернетым

Курыкат пала.