Тауштем пӱрымашлан, вуй савен,
Кеч шагалак огыл кельым лӱкым.
Поро Юмо! Тылат мый тауштем:
Жапыштыже кольыч тулык йӱкым.
Эрталшышке шӱкальым шӱлыкем,
Мылам сандалык почо у тӱням.
Тылатше кайыметлан тауштем,
Теҥгечсеш йомшо мӱндыр шӱмбелем.
Ом ӧркане мый илаш шке семын,
У шӱлыш дене шӱм-чонем рӱпшен.
Виктарем тошкен саманын корным,
Вет илыш велке мелын мый шогем.
Чашкерлам лыжга мардеж вӱчкалтыш…
Да пешак ямлын кайык мур йоҥга.
Кава мылам ӱшанлыкым ешарыш,
Ош кечыйолжо чонышкем шыҥа.