Поэзий кумыл: Йӧратымем

Йӧратымем, йӧратымем,

Уло йӱкын ойлынем.

Йӧратымем, йӧратымем,

Чон йӱлен, вучен илем.

Шӱшпык толын  пӧрт  воктек,

Пӱгыр  ломбым  сагынен. 

Могай вий дене, молан? -

Йӧратымаш сеҥен, садлан.

Йӧратымем, йӧратымем,

Уло  йӱкын ойлынем.

Йӧратымем, йӧратымем,

Чон йӱлен, вучен илем.

Чарайолын лум ӱмбачын

Ом лӱд  почешет куржаш.

Тый йодат уэш: «Молан?»

Йӧратымем улат - садлан.

«Йӧратымем, йӧратымем, -

Уло йӱкын мый ойлем. -

Йӧратымем, йӧратымем,

Улат тый мыйын пиалем».