Поэтым порын шарналтеныт

Апрель тӱҥалтыште Мишкан краеведений библиотекыште поэт, журналист Николай Яметовын «Уэш мый тольым…» книга презентацийже эртыш.

Книган шочмыжо нерген поэтын шӱжарже Е. Шумаева каласкалыш, изажын «Акарт», «Танып воктене» да моло почеламутшо-влакым лудын пуыш. Вес шӱжарже Т. Дигитаева Николайын йоча годсо да армийыште служитлыме пагытше дене палдарыш. С. Салиева поэтын почеламутшо-влакым лудо, книга нерген шонкалымашыжым ойлыш. З. Айгишева Н. Яметов дене «Дружба» газет редакцийыште пырля ыштыме жапшым ушештарыш. Тыгак поэт нерген «Келшымаш» газетын пашаеҥже В. Абукаев, Н. Яметовын шочшыжо В. Хамитов, педагогика пашан ветеранже-влак Н.И. Зайнулина, М.М. Яметова (Н. Яметовын Дмитрий шольыжын ватыже), В.А. Аптиева шарналтышт.

Мый Николай Яметов нерген коло ий ожно Лена шӱжарже деч колынам. Тунам ме коктынат ик уремыште, тошто пачерлаште иленна. Эрдене ушкалым кӱтӱш пырля ужатенна, чӱчкыдын вашлийынна, мутланенна. Тунам Ленан изаж нерген чон почын ойлымыжо, тудын пӱрымашыже, кӱчык ӱмыржӧ, почеламут-влакым возгалымыже чоныш шыҥен пуреныт.

Лена дене мутланыме годым тудын «Изайын книгажым лукташ кӱлеш» манын ойлымыжым шуко гана колынам. Николайын кум шӱжарже, ик шольыжо - чылан тунемше улыт. Лена тиде шонымашыжым шуктен, шочшыжо-влак полшымо дене книгам луктын.

Н. Яметов уста поэт, талантан журналист, район газетын редакторжо лийын, пашам тыршен ыштен. Тудо шке шочмо ялжым, тудын мотор пӱртӱсшым нимо деч чот йӧратен, шочмо кундемжылан сылне почеламут-влакым пӧлеклен.

Самырык поэтын йылмыже лывырге, тудо сылнештарыме йӧн-влакым моштен кучылтын, шонымашыже пӱсӧ. Ышташ шонымыжат шуко лийын - книгам лукташ, Яныш Ялкайнын илыш-корныжым шымлаш... Но кугу Юмо тудлан кӱчык ӱмырым пуэн. Туге гынат Н. Яметов шкеж нерген волгыдо шарнымашым коден, поэзийже чоным тарвата, шӱмыштӧ волгыдо шижмашым шочыкта. «Уэш мый тольым» книга - Н. Яметовым йӧратыше, пагалыше шочшыж-влак деч кугу шарнымаш пӧлек.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».