0 °С
Пылан
Все новости
Сылнымут аланыште
25 Сӱрем 2020, 14:35
Поэзий кумыл
Йоча... Шуя еш корным, шочын ты тӱняш. Йоча Полша аважлан илышым тӱрлаш. Йоча - У кушкыл, у кыша, уэмше тат. Йоча, Тек суксо, Юмо тыйым аралат!
***
Модышем моткоч оҥай,
Мый дечем посна ок кай.
Кычалам кӱшнат, ӱлнат...
Мо гыч ыштыме улат?
Пӧрдыктен кертам йолет,
Савырем тыш-туш рулет.
Изишак кугу лиям -
Шкеак шинчын кудалам.
***
Пелаш лияш - эн неле сомыл:
Тошкаш ик корным, кид кучен,
Пайлаш куаным да чон кочым,
Эрташ ик ӱмырым, келшен.
Вучаш паша гыч тутло сий ден,
Лач поро мут ден ужаташ.
Вет илышдаже ынде икте,
Кӱлеш ты сомылым жаплаш.
Пелаш лияш, чоҥаш ик ешым
Полшат тек уш, тазалык, шӱм.
Те колыштса лач икте-весым.
Тендан вачеш возеш ик лӱм.
***
Йӧртен чон тулым илышын сур тӱсшӧ,
Ок сите жап эре лияш пырля.
Шижмаш лийшаш, векат, эреак кӱшнӧ.
Шулен мо вийже шере омыла?
Кумда пасушто пуйто ок кой шурно,
Монденна тудым угычын ӱдаш.
Пӱртӱсын огыл, мыйын кумыл ӱлнӧ:
Йӧратымашым ок нумал шергаш.
Моштет, я уке, тырше ыле жапын
Куандараш ойганыше чонем.
Шижмаш тулото кунамак йӧрталтын.
Мый пӱрымаш деч мом тетла вучем?
***
Чоҥештенат гын мый дечем торашке,
Мӧҥгеш корнетым мондо, ит кычал.
Верештынат мо пиалет шолаште?
Тугеже весым ынде шыматал.
Кочкеш тек пагыт модын коштмо татым,
Тек кандара чонемым шошо юж.
Палем, ӱшан ок керт уэш чоҥалтын,
Садлан мардежым пеленем ом ӱж.
Лектам садерыш да
шындем пушеҥгым,
Чон пӱртӱсем пеледше, ынже йом.
Йӧратымаш толеш садак уэмын,
Илаш лач лийже шуко тӱрлӧ йӧн.
Читайте нас:
© 2025 «Чолман». Республиканская общественно-политическая газета на марийском языке. Издается с 24 апреля 1991 г.
Главный редактор - Губаев Игорь Иванович.
При использовании материалов гиперссылка на сайт cholman.info обязательна.
Категория информационной продукции 12+
Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.
Мы в соцсетях:
ВКонтакте - vk.com/cholman
Telegram - https://t.me/cholmantv
Я.Дзен - https://dzen.ru/cholman
ОК - ok.ru/cholmanrb
TikTok - tiktok.com/@cholman.tv
Телефон
Телефон: 8(34783)7-07-97.
Электрон почто
Адрес
Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж.
Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».