-4 °С
Пылан
Все новости
Сылнымут аланыште
10 Сӱрем 2020, 19:35
Аланыште модмаш
Чашкерыште ужар чара,Чараште шудо - шӱй даҥыт.Кеҥеж пеш кукшо, ялт чыра,А южшо, южшо - мӱй таман.
Йырваш куэ, тугай куэ,
Ужат гынже - ушет кая!
Чылаштым ӧндалмет шуэш
Мотор шӱм пелашет гаяк.
От шоно да пурен кает
Тыгае сылне языкыш -
Вара тек лӱшкыжӧ ватет,
Таҥет онча тек важыкын!
Эх, куэжат куэ гала?
Ялт капеш шушо ӱдыр гай!
А йырже молышт лӱҥгалтат,
Ужар ялукым вӱдылын.
Модаш тӱҥалмым вучалтен
Шогат дыр, манын вел шонет.
Лӱшкат, но шотым кучалтен,
Койышланат, но келшышын.
Лукташ тыгай-влакым кушташ -
Вот почылтеш дыр кумылышт!
Но кугешнат шкештак лекташ,
Шонат, сӧрвалышт, умылышт.
Мардеж вел ала-мо нера,
Кушта, монден ялт намысым.
Куэ-влак совыштым перат,
А койышышт - инанысыр.
Да кидыштым вашла кучат,
Туныктынешт дыр вустыкым:
Тек лектын ок керт йыр гычат,
Тек улнымешке куштыжо!
Кушта, кушта, кушта мардеж,
Шудеш товаҥын, шӱртньылын…
Вара шӱшкен гына кодеш -
Чыма, окмакшым шӱрдылын.
Куэ-влак легылдат рат ден,
Куштат, ялт ийыт куштылгын…
Кунам пӱртӱсым йӧратет,
Ужат пушеҥгын куштымым.
Читайте нас:
© 2024 «Чолман». Республиканская общественно-политическая газета на марийском языке. Издается с 24 апреля 1991 г.
Главный редактор - Губаев Игорь Иванович.
При использовании материалов гиперссылка на сайт cholman.info обязательна.
Категория информационной продукции 12+
Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.
Мы в соцсетях:
ВКонтакте - vk.com/cholman
Telegram - https://t.me/cholmantv
Я.Дзен - https://dzen.ru/cholman
ОК - ok.ru/cholmanrb
TikTok - tiktok.com/@cholman.tv
Телефон
Телефон: 8(34783)7-07-97.
Электрон почто
Адрес
Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж.
Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».