+2 °С
Пылан
Все новости
Сылнымут аланыште
12 Ага 2020, 11:53
Шочмо ял
Шочмо мланде - чылт ошӱдыр, Шочмо мланде сото кӱдынь,Шочмо мландышке лумшӱдырКумыл кӱкшыт гыч велеш.
Шочмо ял ӱмбалне - тымык,
Шочмо ял ӱмбалне - тыныс,
Шочмо ял ӱмбалне - сылне,
Шочмо ялыште - куан.
Такыртен йолгорнылажым,
Корныш лекше шочшыж-влакым,
Пӧртыл шудымо салтакым
Шочмо ял вуча эртак.
Тыланет молан кок шулдыр,
Мӧҥгӧ чоҥештен от шу гын?
Тый мондет -
ок мондо тудо -
Шочмо ял ава гаяк.
Шочмо ял ӱмбалне - тымык,
Шочмо ял ӱмбалне - тыныс.
Шочмо ял ӱмбалне - сылне,
Шочмо ялыште - куан.
***
Кушкылат шуко огыл:
вондер -
Ер воктене ик лопкыт
да тайыл.
Тылатат уло тыште сай вер
Волгыжмеш сайрашаш,
шӱшпык кайык!
Йымыжан шуйдаралме мурет
Огеш кодо кундемын ик лукшым,
Кумыл отышко шеҥын пурен,
Лӱҥгыкта эн чот лывырге укшым.
Толын лӱшкышӧ май кыдалеш
Ужар сывын,
топ мландым леведын,
Кас тошкемлан
шаршудо лиеш,
Курык шӧрлан лиеш мӧр пеледыш.
Леве южышто - сем-влак пӧрдем,
Лийже сак чон айдемын,
уш-акыл:
Чаклана, шочмо мландым пӱрден,
Муро тат,
муро час,
муро пагыт!
***
Лӱшкӧ, лӱшкӧ -
вара лушко
Май кыдалне,
ломбо йӱштӧ,
Чывышталын ит наҥгай
Озым вуйым
кайык гай.
…Йӱр йӱреш -
мардеж кошта,
Пагыт паремден мошта.
Ынде огеш кӱл
виян
Вондым чараклаш тоя.
Кечыйолыш пӱтырнен,
Озым кудыр кӱш нушкеш.
Мландыште огеш пӧрдал,
Вичкыж ӱмылжым ӧндал.
…Кайынет гын шукылан,
Каласал мылам,
пурен, -
Йыраҥетым сомылем,
Вара, вӱд шавен, урем.
Шокшым, волгыдым кучен,
Тыйым суртыштет вучем. -
Мӧҥгыш ӱжшӧ корно ден
Пӧртыл веле
савырнен!
Читайте нас:
© 2024 «Чолман». Республиканская общественно-политическая газета на марийском языке. Издается с 24 апреля 1991 г.
Главный редактор - Губаев Игорь Иванович.
При использовании материалов гиперссылка на сайт cholman.info обязательна.
Категория информационной продукции 12+
Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.
Мы в соцсетях:
ВКонтакте - vk.com/cholman
Telegram - https://t.me/cholmantv
Я.Дзен - https://dzen.ru/cholman
ОК - ok.ru/cholmanrb
TikTok - tiktok.com/@cholman.tv
Телефон
Телефон: 8(34783)7-07-97.
Электрон почто
Адрес
Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж.
Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».