Пӧръеҥ илышын оҥай савыртышыже

Яратып житкэн улларым бар - Марс белǝн Юпитер.Яратып торган бичǝлǝрем -Мария белǝн Гулжемыш

(Йӧратыме эргым-влак улыт - Марс да Юпитер, йӧратыме ватем-влак - Мария да Гулжемыш), - муралтен имньым ончышо Илтыбай павай. Сарыш миен, тушман ваштареш кредалын, кидше-йолжо, пылышыже да шинчаже сусыргеныт, но тичмаш пӧртылын. А пӧртылмек, йӧратымаш фронтышто ик шинчажым йомдарен…

Мом ыштет, илыш тугай, а йӧратымаш садак шергакан. Арамлан огыт муро дыр: «Молан мемнан илышыште йӧратымаш шергакан?»

Метрий павай уже 60 ийыш тошкалын. Ик эрдене, кӱлеш ӱзгарым погалтен, пошкудыжлан коҥгам лукташ каен. А кечывал деч вара мӧҥгыжӧ вуйжым шовыч дене пӱтырен, эҥыралтен пӧртыл пурен. Шӱргыжат изишак вӱраҥын. Ватыже ялт ӧрын. Ойганен, чаманен, «Мо лийыч да мо лийыч?» манын, йырже пӧрдын. Сусыржым эрыктен, мазьым шӱрен, пидын шынден. Пеш ынеж ойло улмаш павай да вараже мучыштарен. «Изидӱр кружка дене перыш». - «Молан? Молан тыге сырен?» «Молан мыйым марлан шыч нал» мане да кружка дене лупшале», - пелештен сусыргышо Метрий, корштышо вуйжым кучен.

Эше ик еҥ йӧратымаш фронтышто «сусырген». Мом ыштет? Икымше йӧратымаш огеш тотыго маныт вет. Можыч, тыгеат. Теве курскам 60 ийымат эртен, черле кия. А капкажым тоя дене перкален, «Тый садак мыйын лият, садак ватет деч шупшын налам» манын кычкырен каеныт. Мом ыштет, чон ок шоҥгем, векат. Шке кеч кумйола (тоям тоялен) кошт, шӱм-чонет тугаяк самырык, шинчат, уже ок волгалт гынат, йыргешке кодыт. Да адакше мыняр кугурак ийготан лият, тунар чӱчкыдынрак самырык жапым шарналтет. Южгунам шошым тичмашнек пелед кертдыме олмапу шыжым пеледеш. Да пеледше олмапум ужын, южо пӧръеҥ шошо толын манын куана.

Ик палымем школым тунем пытарымылан 30 ий темме вашлиймашке каен. Ватыже эрыктен-мушкын, одеколоным шӱрен колтен. А марий каен да кум суткалан йомын. Ешыште ӧрыныт - мо лийын? Йыҥгыртымек, вашмутшо «Эсен-таза» веле лийын. Нигӧ пален огыл, кушко да молан йомын. Вара гына чылажат тӱжвак лектын - икымше йӧратымашыжым вашлийын, шолгымжо йӧрен шуын огыл улмаш. Кукшо олым йоҥылыш возын да изишак йӱлен налын. Но умбакыже йӱлаш пу кӱлеш, а тулотышто пу лийын огыл.

Туге, олмапу але вишня пеледме дене гына шошо ок тол. Шошо шумылан йырым-йырысе пӱртӱс пӱтынек пеледеш. Шошым пеледше олмапун олмаже гына тамлын шуэш, кугу да мотор лиеш, чоным куандара.

Шорташ але воштылаш - кӧ пала. Але нимат лийын огылла ончаш. Но, кеч-мо гынат, тидат йӧратымашыс. Тудым воштылаш - сулык.

Изображение Layers с сайта Pixabay

Читайте нас:

Главный редактор - Губаев Игорь Иванович.

При использовании материалов гиперссылка на сайт cholman.info обязательна.

Категория информационной продукции 12+

Связь, информационный технологий да массовый коммуникаций сферым эскерыше Федеральный службын Башкортостан Республикысе Управленийже 2016 ий 11 июльышто ПИ ТУ02-01543 № дене регистрироватлен.

Мы в соцсетях:

ВКонтакте - vk.com/cholman

Telegram - https://t.me/cholmantv

Я.Дзен - https://dzen.ru/cholman

ОК - ok.ru/cholmanrb

TikTok - tiktok.com/@cholman.tv

Телефон

Телефон: 8(34783)7-07-97.

Электрон почто

[email protected]

Адрес

Адрес редакции, типографии: 452688, Республика Башкортостан, г. Нефтекамск, Березовское шоссе, 4А, 1 этаж. Для писем: 452688, Республика Башкортостан, г. Нефтекамск, 8-е почтовое отделение, а/я 116, для редакции газеты «Чолман».