Кава гыч вола

Мераҥ кож йыр мамык лумым тошка,

Шиште лым лийде шагатым шотла.

Лишемеш тыге У ий,

Маска гай мален ит кий,

Куанен, веселаҥын вашлий!

Тылзе - йӱдымсӧ воштончыш,

Шӱдыр-влак - мемнан чурий.

Кажне суртыш, кажнын чоныш

Кава гыч вола У ий!

Кож воктене лай поран, ой, кушта,

У ий кумылым ласкан ылыжта.

Ошемден йырваш тӱням,

Тӧшакым шара кумдан,

Упшалтен эсогыл пӧртвуйлам.

Тылзе - йӱдымсӧ воштончыш,

Шӱдыр-влак - мемнан чурий.

Кажне суртыш, кажнын чоныш

Кава гыч вола У ий!

Йӱштӧ Кугыза толеш унала,

Поро сугыньжым ронча мыланна:

Илыза чылан келшен,

Йӧратен да ваш полшен,

Тек чонда нигунам ок шоҥгем!

Тылзе - йӱдымсӧ воштончыш,

Шӱдыр-влак - мемнан чурий.

Кажне суртыш, кажнын чоныш

Кава гыч вола У ий!