Поэзий кумыл

ЙӰРЕЗЕ

Пуйто курык лоҥын шочшо,

Койышыжо - «Мый кертам!»

Чашкерла гоч вуйын-почын

Эрыкыш вашка вÿд таҥ.

Путырак изи ты йогын?

Эскераш садак пиал!

Йÿрезе́! Тушманже - його.

Адрес гын - У Пураял.

Кишкыла шуйна кугорно.

Шоҥго шоло - рыҥ гына.

Тошто Пураялже порын

Койылда умбачынак.

Кок пошкудо - йыгыр ялтак,

Кылымде гычак пырля.

Пÿрымашым кö ок ятле

Ворана олян-олян!

Тевыс, пырысигым веле

Шарныкта тек Йÿрезе́,

Илышлан огеш öпкеле, -

А вес семынже кузе?

Палемдат, тыгае резык!

Шинчаончылнак чыла:

«Йÿрезе́» лÿмден кугезе,

Лÿмжым пÿтынек сула.

САН-МАРИНО

Сан-Марино, Сан-Марино,

«Пеш йомак эл» манылдат.

А мемнан илиш марийын

Маринже шонет уда?

Волгалтеш Ош Виче сер гыч

Мÿндырк-мÿндыркö чолган.

А кастен ужат эн шергым, -

Кажне суртшо - шÿдыр гай!

Вараксим илемла кÿкшö

Йыр вер-шöрышт, южгата?

Мо вара? Тамлет да пÿкшым,

Мурылык пÿкшермыштат.

А шöр-торык? Тысе кинде?

Колжо - ончыл сий поснак!

Чаманем, шуялын кидым,

Омыл веҥышт, посанат.

Марин, Марин - Сан-Марино,

Лий йот мландылак улан.

Шкеже кеч илиш марийын,

Лишыл родына улат.