Шочмо-кушмо верем

Соказа эҥер воктене

Верланен шочмо ялем,

Курык вуй гыч корно дене

Тый декет эре вашкем.

Ом чыте йырваш ончалде

Шочмо верым, куанен.

Ладыра ужар чодыра ден

Авыралт шога ялем.

Тыште янлык, чыла лукым

Мокталтен, мочол ила.

Колыштам мый кайык мурым -

Чодыра мемнам эмла.

А кумда эҥер воктечын

Ший памаш йоген лектеш,

Вӱдшӧ пеш яндар, да кечын

Лач йӱмет гына шуэш.

Калыкшат пеш поро тыште,

Чылалан моткоч уста.

Кӱлешан чумыр пашаште

Ик еш гай пырля илат.

Йӧратем шочмо ялемым,

Кугешнен, тыйым моктем!

Кеч тора верлаш каем гын,

Шӱмыштем Измар ялем!